ისტორია

CEDEX პრემიუმ სტომატოლოგიური კლინიკაა, რომელიც 2003 წელს, თბილისში დაარსდა. წლების განმავლობაში, კლინიკა პაციენტებს უმაღლესი ხარისხის სტომატოლოგიურ სერვისებს სთავაზობდა და, მალევე, სექტორში ერთ-ერთი მოწინავე პოზიციაც დაიკავა. სწორედ ამიტომ, დამფუძნებლებმა – გიგი მახარაძემ და გიორგი შარიქაძემ, 2014 წელს კლინიკა გააფართოვეს.

ჩვენი წარმატების მთავარი გასაღები კომპეტენტური და გამოცდილი გუნდია. თითოეული სპეციალისტი პაციენტს ინდივიდუალურად უდგება და იყენებს ინოვაციურ მეთოდებს, რათა ყველა პაციენტმა უმაღლესი სტანდარტის სერვისი მიიღოს.

CEDEX-ში ვიყენებთ მხოლოდ უახლეს, თანამედროვე აპარატურას. ასევე, მუდმივად ვმუშაობთ გუნდის განვითარებასა და კომპეტენციის ამაღლებაზე. კლინიკის ხარისხისადმი ერთგულების დასტური ISO სერტიფიკატია. ეს სერტიფიკატი არის გარანტი იმისა, რომ CEDEX მკაცრად იცავს საერთაშორისო სტანდარტებს.

კლინიკა მომსახურებას უწევს როგორც საქართველოს მოქალაქეებს, ასევე – სხვა ქვეყნების წარმომადგენლებსაც. CEDEX-ს ხშირად სტუმრობენ სხვადასხვა ქვეყნიდან სპეციალურად ჩამოსული პაციენტები, რათა პრემიუმ ხარისხის სტომატოლოგიური მომსახურება მიიღონ.

ჩვენთან მოსულ პაციენტებს ხვდებათ მშვიდი, კომფორტული და უსაფრთხო გარემო, სადაც მათ ჩივილებსა და სურვილებს ყურადღებით ვისმენთ, ვითვალისწინებთ და სრულყოფილი შედეგისათვის ერთად ვისწრაფვით.